Federazioa

NORTZUK GARA

Bizkaiko Motoziklismo Federazioak bere baitan Kirolariak, Kargu ofizialak eta Bizkaiko Klubak hartzeko ardura du. Federazioa motoziklismoko modalitate ezberdinetako (Enduro,Moto Cross, Trial,Quad,Abiadura,etab) txapelketak antolatzeko arduraduna da. Proiektu hau 1987. Urtean hasi zen martxan eta ordutik hona Bizkaiko kirolean guztiz erroturik dauden txapelketa hauek antolatu ditu segidan.

NON GAUDE

Kirol Etxea, Martin Barua Pikaza Kalea 27.Zk, 3.solairua. 48003 Bilbao
Telefono zenbakiak: 94 421 16 02 - 629 84 16 21
Helbide elektronikoa: federacion@euskalnet.net

GURE ORDUTEGIA

Astelehenetik Ostiralera: Goizetan 11etatik 13:30etara Arratsaldez 18:00etatik 21:30etara. Klubentzako Astearte eta Ostegunak Goizetan 11:00etatik 13:30etara eta arratsaldez 18:00etatik 21:30etara. Telefonoz: Goizeko 10:00etatik gaueko 22:00etara 629 84 16 21 telefonoan. Emailez federacion@euskalnet.net

GURE HISTORIA

1934an Bilboko Tourist Throphia ospatzen hasi zeneko datuak eta dokumentuak dauzkagu, lasterketa hori gaur egun motoziklismo moderno bezala ezagutzen dugun Munduko Txapelketaren probetariko bat zen. Hori dela eta, Bilbo Munduko abiadura Txapelketaren aitzindarietako bat dela esan dezakegu. Garai artan marka hauek erabiltzen ziren txapelketetan: NORTON 500cc VELOCETTE 350cc SAROLETA 350cc TERROT 250cc ITALIAN AQUILA 250cc, garai hartan zilindrada altuenetako motoek 160 kilometro orduko abiadura hartzeko gai ziren. Moto hauekin parte hartzen zuten pilotu esanguratsuenetariko batzuk hauek ziren: Guthrie,Moxo,Bartho,Cora,Thomas,Boechts. Piloto hauek Italiarrak, Frantziarrak, Ingelesak, Portugaldarrak..etab ziren. Estatu mailan ere bazeuden pilotu garrantzitsuak, esaterako, Moxo,Simo,Gomez eta Flores anaiak.1946an Bizkaian Bizkaiko Txapelketa antolatzen zen, horren adierazle dugu gure argazki galerian ikus ditzakezuen argazkiak eta garai hartako motoziklismo egunkarietan ageri diren berriak.

BITXIKERIA BATZUK

Federazio honetako kide den Real Peña Motorista Vizcaya (1923an sortua), bere mendeurrenaren atarian aurkitzen dena, Espainiako Motoziklismo Federazioaren sortzaileetako bat izan zen. Klub hau gaur egun Bizkaiko Motoziklismo Federazioaren parte da, honek Bilbo eta Bizkaiaren garrantzia erakusten duelarik Estatu mailako eta Mundu mailako motoziklismoan. Federazio honetan gure ohitura eta tradizioekin jarraitzen dugu, beti ere garai moderno hauetara egokituz, eta lan gogorraren ondoren lortzen ari garela esan dezakegu, Bilbo eta Bizkaia Enduroaren Mundu mailako erreferentzia bihurtu dira, izan ere 2005. Urtean Munduko Enduro Txapelketaren proba burutu dugu Gernikan eta Espainiako Enduro Txapelketa Gordexolan. Bi lasterketa hauek Mundu mailan erreferente dira modalitate honetan. Honez gain 1992ko Munduko Trial Txapelketa antolatu genuen, Estatu mailan Kataluniatik kanpo era honetako txapelketa bat antolatzen aitzindariak izanik. Lehenago Europako Trial Txapelketak ere antolatu genituen. Balmasedan ere Espainiako zenbait Trial Txapelketa ere antolatu genituen lehenagotik. Gaur egun BEC-en (Bilbao Exhibition Centre) Espainiako Free Style Kopako probak antolatzen dira, Espainian era honetako proba antolatzen den lehen lurraldea izanik. Nazioarteko Telefonica Super Cross probaren egoitza ere izango gara, proba hau BEC-en ospatuko da baita ere. Datu guzti hauekin ez dugu inor liluratu nahi, soilik Federazio txiki honen moldaerraztasuna eta bere nortasuna mantentzeko gaitasuna erakutsi nahi dugu. Gaur egun Federazioak etorkizunera begira lanean dihardu eta Bizkaiko Foru Aldundiak bultzatutako PAREKATUZ programaren parte da. Honen helburu nagusia kirolean gizon eta emakumeen arteko parekotasuna lortzea da. Gaur egun Kalitatea eta Bikaintasuna lortzeko EUSKALITek abian duen prozesuan buru-belarri dihardugu,2014az geroztik entitate honen laguntzaile izanez.

Luis Nuñez